သီလရှင်ကျောင်းများတွင် ကလေးသူငယ်ကာကွယ်စောင့်ရှောက်ရေး အစီအစဥ် မိတ်ဆက်ခြင်း

ဖေဖော်ဝါရီလ(၂၇)ရက်နေ့တွင် KT Care အဖွဲ့သည် ချမ်းသာအောင်နှင့် စမ်းမြသီတာ သီလရှင်ကျောင်းများတွင် ကလေးသူငယ်ကာကွယ်စောင့်ရှောက်ရေးအစီအစဉ်ကို မိတ်ဆက်ရန်နှင့် ကျောင်းအခြေအနေများကို လေ့လာရန် အရှေ့ဒဂုံနှင့်မင်္ဂလာဒုံမြို့နယ်သို့ သွားရောက်ခဲ့သည်။ ချမ်းသာအောင်ကျောင်းစခန်းကို ၂၀၁၃ ခုနှစ်၊ ဒီဇင်ဘာလတွင် ကျောင်းသား(၅၀)ဖြင့် စတင်တည်ထောင်ခဲ့ပါသည်။ ၎င်းသည် ယခင်က ရွှံ့နွံများအလယ်တွင်ရှိသော တဲသေးသေးလေးတစ်ခုဖြင့် စတင်ခဲ့ခြင်း ဖြစ်ပါသည်။ လက်ရှိတွင် ကျောင်းသား(၂၆၈)ယောက်နှင့် ဆရာ/မ(၁၀)ယောက်ရှိသည်။ ဒေါ်ဟေမာရီ (ဓမ္မာစရိယ၊နာယက)နှင့် ဒေါ်ဧသိင်္ဂီ(ဓမ္မာစရိယ၊တိုက်အုပ်)တို့က ၂၀၀၁ ခုနှစ်၊ ဇွန်လတွင်စတင်တည်ထောင်ခဲ့သော စမ်းမြသီတာသီလရှင်ကျောင်းသည် ၂၀၀၆-၂၀၀၇ ခုနှစ်မှစတင်၍ မြန်မာနိုင်ငံဒေသအသီးသီးမှ ကလေးများအား ပညာရည်နို့ တိုက်ကျွေးရာ နေရာတစ်ခုဖြစ်ခဲ့သည်။ စတင်ဖွင့်လှစ်စဥ်က ခရစ်ယာန်ဆရာ / မများ၏ အကူအညီဖြင့် လည်ပတ်ခဲ့ပြီး မိဘမဲ့များနှင့်ဆင်းရဲသောအမျိုးသမီးငယ်များကို ကူညီရန်ရည်ရွယ်ခဲ့ပါသည်။ ဆရာ/မပေါင်း(၃၅)ယောက်၏ အကူအညီဖြင့် ယခုအခါတွင် ကျောင်းသား (၆၀၀) ကျော်ကို သင်ကြားပေးနေသည်။ KT Care အဖွဲ့သည် ထိုသီလရှင်ကျောင်းများ၏ တိုက်အုပ်ဆရာကြီးများနှင့် တွေ့ဆုံပြီး ကလေးများ၏လိုအပ်ချက်များအတွက် စစ်တမ်းကောက်ယူ၍ ကလေးသူငယ်ကာကွယ်ရေးအစီအစဉ်ကို မိတ်ဆက်ပေးခဲ့သည်။

DSC_0142 1
DSC_0260
DSC_0200
DSC_0122
DSC_0275
DSC_0231

အာခေါင်ကွဲ ခွဲစိတ်မှု အောင်မြင်သွားသူ

ဧရာဝတီတိုင်းဒေသကြီး၊ မအူပင်မြို့နယ်၊ ကျုံသင်ကျေရွာသူဖြစ်သော မ( )သည် အသက်(၃၅)နှစ် ရှိပြီဖြစ်ပြီး အိမ်ထောင်ရှိပြီး သမီးတစ်ဦးလည်းရှိပါသည်။ မ( )အနေဖြင့် မွေးရာပါ အာခေါင်ကွဲဝေဒနာကြောင့် ငယ်စဉ်ကလေးဘဝကပင်စ၍ အစာစားသောက်ရာတွင် အခြားကလေးငယ်များကဲ့သို့ ပုံမှန်မစားသောက်နိုင်ပဲ အခက်အခဲနှင့် ရင်ဆိုင်ခဲ့ရပါသည်။ စကားပြောဆိုရာတွင်လည်း စကားပြောတတ်စအရွယ်မှ ယခုအသက်(၃၅)နှစ်အရွယ်အထိ ပီသစွာ ပြောဆိုနိုင်ခြင်း မရှိခဲ့ပါ။ ကျေးလက်ဒေသတွင် နေထိုင်သူများဖြစ်ကြ၍ ဗဟုသုတနည်းပါးမှုကြောင့် အာခေါင်ကွဲဝေဒနာအား ကုသ၍ရနိုင်မှန်း မသိရှိခဲ့ပါ။ ယခုအခါတွင် ရုပ်မြင်သံကြားအစီအစဉ်များမှတဆင့် ကုသ၍ရမှန်းသိရှိ၍ စုံစမ်းမေးမြန်းခဲ့ရာ နှောင်ကြိုးမဲ့လူမှုကူညီရေးအသင်း၏ ချိတ်ဆက်ပေးမှုဖြင့် KT Care Foundation နှင့် အဆက်အသွယ် ရရှိခဲ့ပါသည်။ KT Care Foundation ၏ ထောက်ပံ့မှုဖြင့် ရန်ကုန်မြို့ ပင်လုံအထူးကုဆေးရုံတွင် အောင်မြင်စွာခွဲစိတ်ကုသခဲ့ပြီးဖြစ်ပါသည်။ ယခုအခါ မ( ) အနေဖြင့် အစားအစာ စားသောက်ရာတွင် အဆင်ပြေချောမွေ့လာပြီး မိသားစုနှင်အတူ ချမ်းမြေ့ပျော်ရွှင်စွာ နေနိုင်ပြီဖြစ်ပါသဖြင့် KT care Foundation အား ကျေးဇူးတင်ရှိပါကြောင်း ပြောကြားခဲ့ပါသည်။

Kaung Myat Thu (1)

KT Care Foundation မှ ပညာသင်ဆုရရှိထားသူ

KT Care မှ ပညာသင်ဆု ရရှိထားသူ ဖြိုးဖြိုးဝေသည် ငပုတောမြို့နယ် ဇာတိဖြစ်ပါသည် ။သူမသည် လက်ရှိတွင် ပုသိမ်တက္ကသိုလ်၌ မြန်မာစာ တတိယနှစ် တက်ရောက်နေပါသည်။ မိဘများမှာ ရေလုပ်ငန်းလုပ်ကိုင်ကြပြီး မိသားစုဝင် ၆ ယောက်အတွက် ဖခင် တစ်ဉီးတည်း၏ ဝင်ငွေနှင့် မလုံလောက်သဖြင့် သူမကိုယ်တိုင်လည်း စက်ရုံတွင်  ဝင်ရောက်လုပ်ကိုင်ကာ မိသားစုဝင်ငွေကို ရှာဖွေခဲ့ရပါသည်။ အလုပ်တစ်ဖက်နှင့် ကျောင်းတက်ခဲ့ရသည့်အတွက် ပညာသင်ဆု မရရှိခင်က အခက်အခဲများစွာ ရှိခဲ့ပါသည်။ ပညာသင်ဆုအတွက် ရွေးချယ်ခံရသည်ကို သိရှိချိန်က အလွန်ပင်ပျော်ရွှင်ခဲ့ပြီး ပိုမို ကြိုးစားချင်စိတ်များ ဖြစ်ပေါ်လာစေသည်ဟု ပြောကြားခဲ့ပါသည်။ KT Care ၏ ပံ့ပိုးကူညီမှုဖြင့် ဘွဲ့ရသည်အထိကြိုးစား၍ လူမှုကူညီရေးကဏ္ဍများတွင် ပါဝင်ချင်ပါသည်ဟုလည်း ပြောကြားခဲ့ပါသည်။

DSC_0242 (2)

မြန်မာကလေးများနေ့ ၂၀၂၀

မြန်မာ့ကလေးများနေ့ကို ဖေဖော်ဝါရီလ ၁၃ ရက်နေ့တွင် နှစ်စဉ် ကျင်းပလေ့ရှိသည်။ မြန်မာ့ကလေးများနေ့သည် မြန်မာ့လွပ်လပ်ရေးခေါင်းဆောင်ကြီး ဗိုလ်ချုပ်အောင်ဆန်း၏ မွေးနေ့ကို သတ်မှတ်ထားခြင်းဖြစ်ပါသည်။ ဗိုလ်ချုပ်အောင်ဆန်းသည် မြန်မာပြည်ကို ဂျပန်နှင့် ဗြိတိသျှအစိုးရတို့ လက်အောက်မှ လွတ်မြောက်၍ လွပ်လပ်ရေးရအောင် စွမ်းဆောင်ပေးနိုင်ခဲ့သော မြန်မာပြည်၏ ခေါင်းဆောင်ကြီး တစ်ဉီးဖြစ်ပါသည်။ ကလေးများအတွက် ပိုမိုကောင်းမွန်သော အနာဂတ်တစ်ခု ဖြစ်လာစေရန် ဆောင်ရွက်ခဲ့သောကြောင့် ဗိုလ်ချုပ်အောင်ဆန်း၏ မွေးနေ့ကို မြန်မာနိုင်ငံ၏ ကလေးများနေ့ အဖြစ်သတ်မှတ်ခဲ့ခြင်းဖြစ်သည်။ ကလေးများနေ့ကို မြန်မာနိုင်ငံ အနှံ့အပြားတွင် တရားဝင်ကျင်းပပြုလုပ်ကြပြီး စာသင်ကျောင်းများတွင် ကျောင်းသား ကျောင်းသူများအတွက် ပျော်ပွဲရွှင်ပွဲများ ကျင်းပပြုလုပ်ပေးလေ့ရှိကြသည်။ ကလများနေ့ကျင်းပခြင်း၏ အဓိက ရည်ရွယ်ချက်မှာ ကလေးများ၏ အနာဂတ်အတွက် ပညာရေး၏အရေးကြီးပုံကို အလေးထားရန်နှင့် မိဘနှင့်သားသမီးများကြားတွင် နေ့စဉ်ဖြစ်ပေါ်လေ့ ရှိသော ပြဿနာများကို ပိုမိုသိမြင်လာစေရန် ဖြစ်သည်။

Happy Father's Day!

၇၃ ကြိမ်မြောက် ပြည်ထောင်စုနေ့

ပြည်ထောင်စုနေ့သည် မြန်မာနိုင်ငံတွင် နှစ်စဉ် ဖေဖော်ဝါရီလ(၁၂)ရက်နေ့တွင် ကျင်းပလေ့ရှိပြီး မြန်မာနိုင်ငံ ပြည်တွင်းရေး လွပ်လပ်မှုရရှိစေခဲ့သော (၁၉၄၇)ခုနှစ်တွင် ချုပ်ဆိုခဲ့သည့် ပင်လုံစာချုပ်ကို အောက်မေ့သတိရသော အထိမ်းအမှတ်အဖြစ် သတ်မှတ်ကျင်းပကြခြင်းဖြစ်သည်။ ထိုသဘောတူစာချုပ်က မြန်မာနိုင်ငံကို စည်းလုံးညီညွတ်စေခဲ့ပြီး ဗြိတိသျှအစိုးရထံမှ လွပ်လပ်ရေးရရှိရန် တောင်းဆိုခဲ့သည်။ ပင်လုံစာချုပ်သည် ပြည်ထောင်စုမြန်မာနိုင်ငံတော် ဖြစ်လာစေရန် အခြေခံအုတ်မြစ်လည်း ဖြစ်ခဲ့သည်။ (၁၈၈၆)ခုနှစ်တွင် မြန်မာနိုင်ငံသည် ဗြိတိသျှလက်အောက်သို့ ကျရောက်ခဲ့ခြင်းဖြစ်ပြီး ဗြိတိသျှအုပ်ချုပ်သူများမှ မြန်မာနိုင်ငံအလယ်ပိုင်းဒေသနှင့် ဝေးလံသောတိုင်းရင်းသားဒေသတို့ကို ခွဲခြားအုပ်ချုပ်မှုများရှိခဲ့သည်။ အထူးသဖြင့် တောင်ပေါ်ဒေသနှင့် မြေပြန့်ဒေသကို သွေးခွဲမှုများ ပြုလုပ်ခဲ့သည်။ ပင်လုံစာချုပ်ကို ဗိုလ်ချုပ်အောင်ဆန်းနှင့်တကွ ရှမ်း၊ ကချင်၊ ချင်းနှင့် အခြားမြန်မာနိုင်ငံ၏ ခေါင်းဆောင်များမှ ဗြိတိသျှအစိုးရနှင့် ညှိနှိုင်းခဲ့ခြင်း ဖြစ်သည်။ မြန်မာလူမျိုးများသည် ပြည်ထောင်စုနေ့ အခမ်းအနားကို လပေါင်းများစွာ ကြိုတင်မျှော်လင့်ကြပြီး စိတ်အားထက်သန်စွာ ကျင်းပဆင်နွှဲကြသည်။ ပြည်ထောင်စုနေ့ အထိမ်းအမှတ်အဖြစ် ကျောင်းသား၊ကျောင်းသူများအတွက် အမျိုးသားစည်းလုံးညီညွတ်မှုနှင့် ပတ်သတ်သည့် စာစီစာကုံးပြိုင်ပွဲများ၊ ကဗျာရွတ်ပြိုင်ပွဲများ ကျင်းပပြုလုပ်လေ့ရှိသည်။

Photo crd to : Yangon Life

73rd Myanmar Union Day (4)

KT Care မှ သက္ကယ်သောင်ကျေးရွာသို့ သွားရောက်ခဲ့

KT Care Foundation မှ တာဝန်ရှိသူများသည် ၃.၂.၂၀၂၀ နှင့် ၄.၂.၂၀၂၀ ရက်များတွင် KT Care ၏ စတင်တည်ထောင်သူဖြစ်သော ဉီးကျော်သောင်း၏ မွေးရပ်မြေ ငပုတောမြို့နယ် သက္ကယ်သောင်ကျေးရွာသို့ သွားရောက်ခဲ့ပါသည်။ သက္ကယ်သောင်ကျေးရွာသည် KT Care foundation ၏ အဓိကစီမံကိန်းနယ်မြေ တစ်ခုဖြစ်ပါသည်။ KT Care အဖွဲ့ဝင်များသည် သက္ကယ်သောင်ကျေးရွာရှိ ရပ်ရွာလူကြီးများနှင့် တွေ့ဆုံခဲ့ပြီး KT Care Foundation၏ လက်ရှိလုပ်ဆောင်နေသော စီမံကိန်းများအကြောင်း ရှင်းလင်းပြောကြား၍ ရှေ့ဆက်ဆောင်ရွက်သွားမည့် လုပ်ငန်းစဉ်များအား ဆွေးနွေးခဲ့ပါသည်။ ထို့အပြင် KT Careမှ ပညာသင်ဆုရရှိထားသော ကျောင်းသား၊ကျောင်းသူဟောင်းများနှင့် တွေ့ဆုံ၍ ပညာသင်ဆုရရှိသူများ၏ လက်ရှိအလုပ်အကိုင်၊ လုပ်ငန်းများကိုမေးမြန်းခြင်း၊ KT Care၏ စီမံကိန်းများတွင် ပါဝင်နိုင်ရန် KT Careနှင့် အမြဲဆက်သွယ်နေရန် တိုက်တွန်းပြောကြားခြင်းတို့ကို ပြုလုပ်ခဲ့ပါသည်။ ပညာသင်ဆုရရှိသူများမှ KT Careနှင့် ဆက်သွယ်ရေးကို အဓိကတာဝန်ယူပေးမည့် ကိုယ်စားလှယ်နှစ်ယောက်ကို ရွေးချယ်ပြီး ဆွေးနွေးပွဲကို အဆုံးသတ်ခဲ့ပါသည်။ KT Care အဖွဲ့သည် ဉီးကျော်သောင်းမိသားစုမှ လှူဒါန်းထားသော စာသင်ကျောင်းများ၊ ရေတွင်းရေကန်များအား လိုက်လံကြည့်ရှုခြင်း၊ ပညာသင်ဆုရရှိထားသူများ၏ ယခုလက်ရှိဆောင်ရွက်နေမှုများကို ဆွေးနွေးမေးမြန်းခြင်း၊ အမကသသက္ကယ်သောင်မှ ဆရာ၊ဆရာမများနှင့် တွေ့ဆုံ၍ လိုအပ်ချက်များကို မေးမြန်းခြင်းတို့ကိုလည်း ပြုလုပ်ခဲ့ပါသည်။

DSC_0292
DSC_0170
DSC_0249
KTC Resource Centre to be
Rain Water Tank Outside
IMG-0910227f3e11fa33596aec120ceaab82-V (1)

အပြည်ပြည်ဆိုင်ရာ သိပ္ပံနယ်ပယ်ရှိ အမျိုးသမီးများနှင့် မိန်းကလေးငယ်များအား ဂုဏ်ပြုသောနေ့

ကမ္ဘာ့နေရာ အနှံ့အပြားတွင် နည်းပညာ၊ အင်ဂျင်နီယာ နှင့် သင်္ချာဘာသာရပ်များ ကဲ့သို့သော သိပ္ပံဘာသာရပ်များတွင် ကျား၊မပါဝင်မှုရာခိုင်နှုန်း ကွာဟမှုများသည် နှစ်ပေါင်းများစွာ ရှိနေခဲ့ပါသည်။ အမျိုးသမီးများသည် အဆင့်မြင့်ပညာရေးတွင် ပါဝင်မှုမြင့်တက်လာစေရန်  တိုးတက်ပြောင်းလဲမှုများစွာကို ဆောင်ရွက်ခဲ့သော်လည်း ထိုနယ်ပယ်များတွင် ကိုယ်စားပြုမှု အားနည်းနေဆဲဖြစ်သည်။ ၂၀၁၃ ခုနှစ် ဒီဇင်ဘာလ ၂၀ ရက်နေ့တွင် အထွေထွေညီလာခံမှ သိပ္ပံနှင့်နည်းပညာ ဖွံ့ဖြိုးတိုးတက်မှုအတွက် ဆုံးဖြတ်ချက်တစ်ခုကို ချမှတ်ခဲ့သည်။ ထိုဆုံးဖြတ်ချက်တွင် အသက်အရွယ်မရွေး အမျိူးသမီးများနှင့် မိန်းကလေးများအတွက် သိပ္ပံ၊ နည်းပညာနှင့် တီထွင်ဆန်းသစ်မှုများတွင် အပြည့်အဝ တန်းတူညီတူ ပါဝင်ဆောင်ရွက်နိုင်ရန်နှင့် အသိအမှတ်ပြုခြင်းများ၊ ကျားမ တန်းတူအခွင့်အရေး ရရှိရေးနှင့် လုပ်ပိုင်ခွင့်များ မဆုံးရှုံးစေရန်တို့ ပါဝင်သည်။ ၂၀၁၅ ခုနှစ် ဒီဇင်ဘာလတွင် အပြည်ပြည်ဆိုင်ရာညီလာခံသည် သိပ္ပံနှင့် နည်းပညာ အသိုင်းအဝိုင်းများမှ အမျိုးသမီးများနှင့် မိန်းကလေးများ၏ အခန်းကဏ္ဏကို အသိအမှတ်ပြု ဂုဏ်ပြုသောအားဖြင့် အပြည်ပြည်ဆိုင်ရာသိပ္ပံနယ်ပယ်ရှိ အမျိုးသမီးများနှင့် မိန်းကလေးများနေ့ကို နှစ်စဥ် ဖေဖော်ဝါရီလ(၁၁)ရက်နေ့တိုင်းတွင် ဂုဏ်ပြုကျင်းပရန် သတ်မှတ်ခဲ့သည်။

International day of women and girls in science

အဖွဲ့ဝင်သစ်မိတ်ဆက်

KT Care တွင် Project Assistant Intern တစ်ဉီးအဖြစ် လုပ်ကိုင်နေသော  ချောလှနွယ်သည် ၂၀၁၇ ခုနှစ်တွင် ကျောက်ပန်းတောင်းမြို့နယ် အစိုးရ စက်မှုလက်မှုသိပ္ပံ မှ စက်မှုအင်ဂျင်နီယာမေဂျာဖြင့် ကျောင်းပြီးခဲ့ပါသည် ။ ထိုအချိန် မှစ၍ အစိုးရမဟုတ်သော အဖွဲ့အစည်းများတွင် Community Organizer, Program Coordinator အဖြစ်လုပ်ကိုင်ခဲ့ပါသည် ။ သူမ၏ ရည်ရွယ်ချက်မှာ program နှင့် project များကို အစအဆုံးရေးဆွဲပြီး အကောင်အထည်ဖော်နိုင်ရန် ဖြစ်ပါသည်။ ထို့ကြောင့် အတွေ့အကြုံ ပိုမိုရရှိ‌စေရန် KT Care Foundation တွင် project assistant intern အဖြစ် ဇန်နဝါရီလ (၈)ရက်‌နေ့မှ စတင်၍ ဝင်ရောက်လုပ်ကိုင်ခဲ့ခြင်းဖြစ်ပါသည်။  ဒဤ သူမသည် လက်ရှိ KT Care Fouindation တွင် Vocational Scholarship program ၊ BSR HER Project နှင့် Child Protection Program တို့တွင် စီမံကိန်းအရာရှိနှင့်အတူ တွဲဖက်တာဝန်ယူထားပါသည်။Project များကို စီမံခန့်ခွဲပုံများ၊ စည်းမျဉ်းစည်းကမ်းများ၊ အချိန်ဇယားများ၊ သတ်မှတ်ရက်များ နှင့် အလုပ်လုပ်ကိုင်ရသဖြင့် အတွေ့အကြုံအသစ်များ၊ ဗဟုသုတနှင့် စိန်ခေါ်မှုအသစ်များကို ရရှိသည်ဟု ပြောကြားခဲ့ပါသည်။

received_2245294972391926

နှုတ်ခမ်းကွဲခွဲစိတ်မှုအောင်မြင်သွားသူ

မ( )အား ဧရာဝတီတိုင်းဒေသကြီး၊ မအူပင်မြို့နယ်၊ စာဖြူစုကျေးရွာတွင် မွေးဖွားခဲ့ပါသည်။ မွေးဖွားခဲ့စဉ်က နှုတ်ခမ်းကွဲဝေဒနာ ပါရှိခဲ့‌ေသာကြောင့် နို့စတိုက်ကျွေးစဉ်ကာလမှစတင်ပြီး အခက်အခဲနှင့် ရင်ဆိုင်ခဲ့ရပါသည်။ မိခင်နို့အား မသောက်တတ်ခြင်းကြောင့် နို့ဘူးဖျော်တိုက်ခဲ့ရပါသည်။မြို့နှင့်အလှမ်းဝေးသော ကျေးလက်တွင် နေထိုင်ကြသူများဖြစ်သဖြင့် ခွဲစိတ်ကုသ၍ ရနိုင်မှန်းမသိခဲ့ပါ။ မ( ) အသက်(၄)လအရွယ်တွင် မအူပင်မြို့မှလာသော အကြင်နာလက်များနယ်လှည့်ဆေးကုသ‌ေရးအဖွဲ့၏ ချိတ်ဆက်ပေးမှုကြောင့် ရန်ကုန်မြို့ရှိ KT care Foundation နှင့်ဆက်သွယ်ခဲ့ပါသည်။ ထို့နောက် KT care Foundation ၏ ထောက်ပံ့ပေးမှုဖြင့် ရန်ကုန်မြို့ရှိ ရွှေဗဟိုရ် အထူးကုဆေးရုံတွင် ကုသမှုခံယူခဲ့ပါသည်။ ကုသမှု ခံယူပြီးသည့်အချိန်တွင်မ( )၏ ရုပ်ပိုင်းဆိုင်ရာ သွင်ပြင်လက္ခဏာသည် ယခင်နှင့်မတူ များစွာတိုးတတ် ပြောင်းလဲလာသောကြောင့် မိဘများအနေဖြင့် အတိုင်းမသိကြည်နူးဝမ်းသာခဲ့ရပါသည်။ သို့ဖြစ်ပါ၍ လူသားခြင်းစာနာထောက်ထားမှု့ဖြင့် ကူညီထောက်ပံ့ပေးသော KT care Foundation မိသားစုဝင်များနှင့် ဝန်ထမ်းများအား အထူးပင်ကျေးဇူးတင်ရှိကြောင်း ပြောကြားခဲ့ပါသည်။

Kaung Myat Thu

အပြည်ပြည်ဆိုင်ရာ ပညာရေးနေ့

ကမ္ဘာလုံးဆိုင်ရာငြိမ်းချမ်းရေးနှင့် ရှည်တည်တံ့ခိုင်မြဲသော ဖွံ့ဖြိုးတိုးတက်မှုအတွက် ပညာရေး၏အခန်းကဏ္ဏကို ဂုဏ်ပြုသောအားဖြင့် နှစ်စဉ် ဇန်နဝါရီလ ၂၄ ရက်ကို အပြည်ပြည်ဆိုင်ရာပညာရေးနေ့အဖြစ် (၂၀၁၈)ခုနှစ် ဒီဇင်ဘာလ(၃)ရက်နေ့တွင် ကမ္ဘာ့ကုလသမဂ္ဂအထွေထွေညီလာခံက သတ်မှတ်ခဲ့ပါသည်။ KT Careဖောင်ဒေးရှင်း၏ ဖွံ့ဖြိုးတိုးတက်ရေး စီမံချက်နှင့် မျှော်မှန်းချက်တွင် လူတိုင်းအတွက် ကောင်းမွန်လျောက်ပတ်သော ပညာရေးရရှိရန် အထောက်အပံ့ပေးနိုင်ရေးသည် တစ်ခုအပါအဝင်ဖြစ်သည်။ ထို့ကြောင့် KT Care သည် ကျောင်းသားများကို ပညာသင်ဆုထောက်ပံ့ပေးခြင်း၊ ပညာရေးအခြေခံအဆောက်အအုံများ တည်ဆောက်ရာတွင် ထောက်ပံ့ပေးခြင်းများ ပြုလုပ်လျက်ရှိသည်။ KT Care မှ ပညာသင်ဆု ရရှိသော ကျောင်းသားများသည် ပညာသင်နှစ် ပြီးဆုံးသည်အထိ ကျောင်းစရိတ်နှင့် အခြားအထွေထွေကုန်ကျစရိတ်များအတွက် ထောက်ပံ့မှု ရရှိမည် ဖြစ်ပါသည်။ ထို့အပြင် အချို့ပညာသင်ဆုကျောင်းသားများသည် ကျောင်းပိတ်ချိန်တွင် KT Care ၌ အလုပ်သင်အဖြစ် ဝင်ရောက်လုပ်ကိုင်ရင်း လုပ်ငန်းခွင် အတွေ့အကြုံ ယူနေပါသည်။ KT Care သည် ပညာသင်ဆုအစီအစဉ် စတင်သည့် အချိန်မှစ၍  ယနေ့အထိ ကျောင်းသားပေါင်း ၁၇၁ ယောက်အား ပညာသင်ဆု ပေးအပ်ပြီးဖြစ်သည်။

2